رسالة وصلت إلى أ.أحمد فهمي
هذه الرسالة جاءتني منذ قليل، وهي من ضابط أمن مركزي، ويسرد فيها رؤيته للأحداث من واقع عمله، وكشاهد عيان، وقد أرسل لي اسمه وصفحته على الفيس، لكنه طلب عدم الإشارة إليه/
انا ضابط امن مركزي و دي شهادتي عن الاحداث لو اداره الصفحه تحب تنشرها او تعدل فيها معنديش مانع بس بالرجاء الضروري و الملزم بدون ذكر اسمي.
.
.
يااااااااااااااااااااااااه...........................اخيرا رجعت البيت بعد 6 ايام متواصل قاعد في الشغل روحت فيهم كل الاماكن بدأ من الجمعه عند وزاره الداخليه ثم يوم السبت في بورسعيد ثم الاحد في جنازه النقيب البلكي ثم الاتنين عند كوبري قصر النيل ثم القبض علي البلطجيه اللي اقتحمو فندق سيميراميس فالقبض علي اتنين من البلاك بلوك ثم القبض علي 10 من اللي كانو قاطعين كوبري اكتوبر ثم القبض علي 5 من اللي كانو قاطعين كوبري قصر النيل .......و دي بعض الملاحظات اللي حبيت اوضحها للناس عشان يعرفوا ايه الحكايه بالضبط.
.
.
.
.
1- الاعلام في التلفزيون في وادي و الحقيقه علي الارض حاجه تانيه خالص...
2-جميع العيال اللي بتضرب علي الامن المركزي و اللي بتحرق في المنشأت كلهم يا مسجلين عليهم احكام نشل و بلطجه و كده او العيال اللي هما شمامين الكله اللي بيباتو علي الارصفه و لا يمتو للثوار بشيء و جميع الاعداد اللي واقفه قصاد القوات وافقين بقصد المشاهده و التسليه لكن اللي بيجر شكل القوات هما لا يتعدو 20 او 30 نفر و الباقي واقف يتفرج مش زي ما التلفزين بيصور ان الشعب المصري انتفض ضد الشرطه و الكلام ده
3- العيال بتوع البلاك دول عيال سيكي ميكي خالص و الواد من اول قلم علي وشه اعترف علي كل زمايله اللي هربو و لو كانت المباحث سابتهم لينا شويه كانو قالو مين اللي وراهم و علي العموم هما اتعرفو بنسبه 90%
4-لولا الاوامر الصادره بعدم استخدام اي انواع الاسلحه الا الغاز كنا ضبطنا البلد كلها في خلال 4 ساعات و هو ده اللي ادي اللي انفعال الضباط علي الوزير في الجنازه
5 -جميع الناس في الشارع متضايقه من اللي بيحصل و عاوزانا نستخدم القوه ضد المخربين دول و غير صحيح الكلام اللي بيقال في التلفزيون ان الناس بتأيد هؤلاء
6-البلد كلها علي فكره ماشيه عادي جدا و الناس في الشارع بتمارس حياتها عادي في جميع انحاء العاصمه بأستثناء الكيلو متر مربع بتاع التحرير و كوبري قصر النيل اللي جميع قنوات التلفزين مش بتصور حاجه غيرهم مما يعطي الاحساس للناس ان البلد حالها واقف و ده غير صحيح
